Search

Freunde

I wünsch ma afoch nur an Freind….

Weihnacht’n is – wos wünscht sie die Wöd’
die meisten wünsch’n si vü Göd
denkt’s  amoi dran wos vül’n föd

Mei Wunsch’ war unterm Weihnachtsbaum
S’ is ana, den net vüle haum
es is a Herzenswunsch von mir…

I wünsch ma afoch nur an Freind
z’wegn da Einsamkeit – so is des g’meint

A Freind des is a Wegbegleiter
in vüln Stund’n ob traurig, ob heiter

A Freind der huacht da afoch zua
u. waunst’as brauchst gibt er a Rua

i sog da – Mensch’n de Freinde hob’n
de san gesegnet von da ob’n

Freund’ san und des sag’ i eich
mehr wert ois a Königreich

Copyright Sylvia Seidl